DRC: KOMESHENI mauaji ya spishi adimu katika hifadhi za Virunga na Kahuzi-Biega

Tuulinde urithi huu wa asili kwa vizazi vya sasa na vijavyo.

Hata hivyo, wanyama wengi mno wanaendelea kuteseka chini ya mkono wa binadamu. Kuongezeka kwa migogoro ya kivita katika majimbo kadhaa ya DRC kunaharakisha uharibifu wa mifumo ya ikolojia na kutishia moja kwa moja spishi muhimu kama tembo, viboko, okapi, nyani wakubwa na kasuku wa kijivu.

Baadhi ya makundi yenye silaha yanageuza maeneo yaliyohifadhiwa kuwa maeneo ya unyonyaji haramu wa maliasili, hasa kupitia magendo ya mbao za thamani, uchimbaji haramu wa madini na biashara haramu ya mazao ya wanyamapori.

Katika Kivu Kaskazini, hali ya Hifadhi ya Taifa ya Virunga bado inatia wasiwasi mkubwa. Mwezi huu wa Mei, walinzi wengine wawili wameuawa wakitekeleza jukumu lao la kulinda bioanuwai.

Katika Kivu Kusini, misitu ya Hifadhi ya Taifa ya Kahuzi-Biega inaendelea kuharibika polepole kutokana na uchimbaji haramu wa madini na biashara ya mkaa unaopelekwa hasa katika miji ya Bukavu na Goma.